მიწოდება მთელი
საქართველოს მაშტაბით
საქართველოს მაშტაბით
ებისუს ლიგა 2026
ტურნირი I ალგეთი 2026
ტურნირის ჩატარების თარიღი: 19 აპრილი 2026 წელი
ადგილმდებარეობა: ალგეთის წყალსაცავი
შეკრებისა და ტურნირის ზუსტი ადგილი გამოქვეყნდება ტურნირამდე ერთი დღით ადრე.
საპრიზო ფონდი (ებისუს ვაუჩერები)
- 🏆 I ადგილი — 500 ₾
- 🥈 II ადგილი — 300 ₾
- 🥉 III ადგილი — 200 ₾
- 🐟 Big Fish — 150 ₾
✨ გათამაშება შემთხვევითი პრინციპით: 3 ცალი 100 ₾ ვაუჩერი
განრიგი
ტურნირი ჩატარდება 2 (ორ) ტურად ერთი დღის განმავლობაში.
| დრო | აქტივობა |
|---|---|
| 06:30 - მდე | შეკრება |
| 06:30 – 07:00 | კენჭისყრა |
| 07:00 – 07:30 | ზონებში შესვლა |
| 07:30 – 09:30 | პირველი ტური |
| 09:30 – 10:00 | ზონებში გადანაცვლება |
| 10:00 - 12:00 | მეორე ტური |
| 13:00 | დაჯილდოვება |
ტურნირში მონაწილეობა და რეგისტრაცია
ტურნირში მონაწილეობის მიღება შეუძლია ნებისმიერ სრულწლოვან პიროვნებას, ასევე არასრულწლოვან მონაწილეებს სრულწლოვან პასუხისმგებელი პირის თანხლებით.
რეგისტრაციის დეტალები:
მონაწილეობის ღირებულება: 30 ლარი
კლუბის წევრებისთვის და 18 წლამდე პირებისთვის ტურნირში მონაწილეობა უფასოა. სავალდებულოა რეგისტაცია! ბმული
თანხა უნდა ჩაირიცხოს მითითებულ ანგარიშის ნომერზე 2026 წლის 18 აპრილის 18:00 საათამდე.
- 🏦 თიბისი ბანკი: GE15TB7607236080100019
- 🏦 საქართველოს ბანკი: GE44BG0000000609161182
- 👤 მიმღები: ებისუ ქორფორეიშენ
- 📝 დანიშნულება: "ალგეთი 2026 . სახელი და გვარი"
თუ მონაწილე ვერ გამოცხადდება ტურნირზე, გადახდილი თანხა უკან არ
დაუბრუნდება.
ნადავლის ჩათვლა
ჩათვლადია მხოლოდ ცოცხალი თევზი. ჩათვლადია შემდეგი ჯიშის თევზები: ქორჭილა და ფარგა.
ჩათვლადი თევზის გაზომვა მოხდება სიგრძის მიხედვით და მინიმალური ზომებია:
- ქორჭილა - 15 სმ; (1სმ - 1 ქულა)
- ფარგა - 30 სმ; (1სმ - 1.5 ქულა)
- გვერდზე მოდებული ნემსკავით დაჭერილი თევზი არ ჩაითვლება, სატყუარა უნდა ფიქსირდებოდეს თავის არეში.
- ნადავლი გაიზომება სპეციალური სახაზავით. დაჭერილი თევზი სპორტსმენმა უნდა მოათავსოს თევზის შესანახ, ძაფისგან მოქსოვილ ბადეში.
ნადავლის გაზომვის წესი:
- სპორტსმენი ვალდებულია თავად ამოიყვანოს თევზი ბადიდან და მიაწოდოს მსაჯს გასაზომად.
- მსაჯი სპორცმენის თანდასწრებით აღრიცხავს თევზის სახეობას და ზომას სატურნირე ცხრილში.
- გაზომვის შემდეგ თევზი უნდა დაუბრუნდეს წყალსატევს.
- თუ ფინიშამდე თევზი ბადეშია და ჯერ არ არის გაზომილი, სპორტსმენი წყვეტს თევზაობას, ტოვებს ბადეს წყალში და ელოდება მსაჯს გაზომვისთვის.
- თევზის სიგრძე იზომება 1 სმ სიზუსტით; თუ არ არის მთელი რიცხვი, მრგვალდება ქვემოთ (მაგ: 18.9 სმ → 18 სმ).
ტურნირის წესები
- ნებადართულია მხოლოდ სპინინგით თევზაობა.
- მონაწილეს შეუძლია შევიდეს წყალში მუხლამდე.
- დაშვებულია შეუზღუდავი რაოდენობის სპინინგის ჯოხი, პარამეტრების შეზღუდვის გარეშე.
- სპორტსმენებს შორის მინიმალური დისტანცია არის 10 მეტრი.
- ამინდის მკვეთრად გაუარესების შემთხვევაში, მთავარი მსაჯი გადაწყვეტს ტურნის გაგრძელების, დროებით შეჩერების ანდა გადადების საკითხს. შესაძლოა გამოიყენოს მონაწილეების ხმათა უმრავლესობის გადაწყვეტილება.
წესების დარღვევები და სანქციები
წესების დარღვევის შემთხვევაში მთავარ მსაჯს შეუძლია გამოიყენოს შემდეგი სანქციები: სიტყვიერი გაფრთხილება, დისკვალიფიკაცია, შეჯიბრიდან მოხსნა, ქულების ანულირება.
| დარღვევის აღწერა | სანქცია / ჯარიმა |
|---|---|
| მონიშნული/განსაზღვრული თევზჭერის ზონის ფარგლებს გარეთ თევზაობა | შედეგის ანულირება |
| თევზჭერის ზონის დატოვება | შეჯიბრიდან მოხსნა |
| სხვა სპორტსმენებისგან ნებისმიერი სახის დახმარების ან რჩევის მიღება | გაფრთხილება (განმეორებისას -30 ქულა) |
| სტარტამდე ან ფინიშის შემდგომ თევზაობა | -100 ქულა |
| ძუის დამძიმება, თუ სიმძიმე უშუალოდ სატყუარას არ ებმის | -50 ქულა |
| სექტორის შეცვლისას პირადი ნივთების ადგილზე დატოვება | გაფრთხილება (განმეორებისას -30 ქულა) |
| ნებისმიერი სახის მოსაჩვევის (კვების) გამოყენება | შეჯიბრიდან მოხსნა |
| ალკოჰოლის ან გამაბრუებელი საშუალების მიღება დახურვამდე | შეჯიბრიდან მოხსნა |
გამარჯვებულის გამოვლენა და ქულების დათვლა
გამარჯვებულის განსაზღვრა: ტურნირის გამარჯვებულია სპორტსმენი, რომელსაც აქვს ყველაზე მცირე ადგილების ჯამი ყველა ტურის მიხედვით.
თანაბრობის შემთხვევაში გადამწყვეტი კრიტერიუმები
თუ ორ ან მეტ სპორტსმენს თანაბარი ადგილების ჯამი აქვს:
- გამარჯვებულია ის, ვისაც ქულათა ჯამი უფრო მაღალია (ყველა ტურში დაგროვებული ქულები).
- თუ ქულებიც ტოლია — ითვლება ყველაზე დიდი დაჭერილი თევზი.
- თუ ესეც ტოლია — შედარდება მეორე ყველაზე დიდი თევზი, და ასე გაგრძელდება რიგითობით.
- თუ ყველა მაჩვენებელი ტოლია — სპორტსმენები იღებენ ერთნაირ ადგილს.
ტურში ადგილის და ქულების მინიჭება (F.I.P.S.e.D. წესებით)
- თითო ტურში სპორტსმენები, რომლებმაც დაიჭირეს თევზი, იღებენ ადგილებს ნადავლის მიხედვით (1-დან ზემოთ).
- უთევზოდ დარჩენილი სპორტსმენები იღებენ ქულას, რომელიც უდრის მათი ადგილების საშუალო არითმეტიკულს.
- ვინც ტურს გამოტოვებს, იღებს ბოლო ადგილის ქულას.
- თუ მხოლოდ ერთი სპორტსმენი დარჩა უთევზოდ, ის იღებს ბოლო ადგილის ქულას.
ტურნირის პარტნიორები:
მონაწილეთა სია: